لو قلت لواحد "انت بميت ست" ..
تفتكر هايتبسط ولا هايحس بإهانة؟
اكيد فيها شك كبير انه يحس بالاهانة
طيب لو قلت لواحده " انتى بميت
راجل" .. اكيد مفهوم انها حاجة تسعدها وفى نفس الوقت مايقللش من انوثتها
يعنى الرجولة مش حكر على الذكور .. لا ممكن
ستات و ينات يبقوا رجاله
بمعنى ان الرجولة حالة مش نوع
الرجوله هى التقدم لتحمل مسئوليات معينه بغض
النظر عن المسؤول الاساسى عنها
بمعنى انه لما كان بيحصل هجوم مثلا على
الميدان .. فى الوقت دا الطبيعى ان فيه مسئوليات لازم تتعمل بغض النظر عن اللى
المفروض يعملها ولد او بنت
الطبيعى ان اللى بيتصدر الصفوف الاولى هم
الرجالة .. فلما تلاقى بنت او ست طالعه للصفوف الاولى تاخد مكانها زيها زى الراجل
اللى واقف يبقى ماتقدرش تقول غير انها بميت راجل
الطبيعى ان الاطباء اللى المستشفيات
الميدانية يكونوا رجالة فتلاقى بنات وستات كتير بيعالجوا المصابين اللى فى الصفوف
الاولى اكيد هاتقول عليهم انهم بميت راجل
لما تلاقى ان اللى بيكسر الطوب جنبك ويشيله
ينقله للصفوف الاولى بنات صغيرين لازم تتفائل
اشك ان كان فيه نشاط واحد قاصر على الرجال بس
وفعلا ماكلنش فيه فرق بين اى مصرى او مصرية
فى اى ميدان من ميادين التحرير لا فى مسؤوليات ولا واجبات
هم انتزعوا دورهم من غير ما حد يطلب منهم
هم تقدموا لتحمل مسؤوليات كان المفروض يقوم
بيها الرجاله
فأثبتوا فعلا ان الست والبنت المصرية الجدعة
بميت راجل فعلا
وحتى بره الميدان، كانت هى الام اللى دعيت
لإبنها وهو نازل
وهى اخته اللى كل شوية تكلمه تتطمن عليه
وهى مراته اللى بدل ماتنكد عليه عشان نازل
وسايبهم، اخدت مكانه وراعت البيت كأنه موجود واكتر
وبعد ال 18 يوم هاتلاقى ان اكتر الحركات
الثورية نشاط وتأثير هم اللى قائم عليهم او مشاركين بنسبة كبيرة فى اتخاذ القرار
فى المشاركات الانتخابية، سجلت المرأة
المصرية نسبة مشاركة اكبر من الرجال
وكان معروف فى الاستفاء ان لجان الستات
ماكانوش بيمشوا غير لما يصوتوا .. على عكس بعض لجان الرجال اللى زهقوا ومشيوا
واعتقد ان الثورة اللى ابدعت فى ال18 وما
بعدها واخرجت حلول جديدة على التاريخ، قادره انها تفكر “Outside the Box” او ان "تفكر خارج الصندوق"
ايوه
بره ام الصندوق دا اللى جابنا ورا
بره العواجيز اللى ملوا حياتنا ولسه فاكرين
نفسهم مبدعين
عندنا نماذج مشرفة من بنات وستات مصريات
جدعان قادرين على الابداع والخيال
واحنا كل اللى محتاجينه الامل
والامل على ايديهم انشاء الله
وزى ما اتجمعنا فى ال18 يوم على فكرة وهدف
نقدر نتجمع تانى مرشحه ثورية بنفس الفكرة
والهدف
بنت او ست مصرية جدعه ماتعديش ال 40 سنة
شايله كل هموم وامال الثورة
بتتكلم بلسان كل بيت مش بشعارات
دا مش تكريم ليها على دورها لا سمح الله
عشان التكريم بيبقى فى نهاية المشوار مش فى
اوله
دا إستكمال لدورها وضخ شحنة امل عظيمة للثوار
دى مجرد فكرة من بره الصندوق
فكرة ان يبقى عندنا رئيس بميت راجل مش
"راجل" واحد و كمان بتمشيه جماعته
Twitter: @Hatemzaki9
April 23, 2013
ليست هناك تعليقات:
إرسال تعليق