يعنى الاخوان كانوا غلط
لما قعدوا مع عمر سليمان للتفاوض على مطالبهم الشخصية مقابل اخلاء الميدان
وكانوا غلط لما اتفقوا
مع طنطاوى على التعديلات الدستورية
وكانوا غلط لما قالوا
للناس قولوا نعم عشان تخشوا الجنة
وكانوا غلط لما كدبوا
وقالوا هاننزل على 30% بس من مقاعد مجلس الشعب ونزلوا ب 100%
وكانوا غلط لما قالوا مش
هاننزل انتخابات الرئاسة ونزلوا باتنين
وكانوا غلط لما باعوا
الثورة فى محمد محمود ومجلس الوزرا عشان يتفرغوا للانتخابات
وكانوا غلط لما دافعوا
عن مجلس طنطاوى فى المذابح اللى عملها فى محمد محمود ومجلس الوزرا وماسبيرو وغيرهم
وكانوا غلط لما شتموا فى
الثوار وست البنات وقالوا علينا بنوقف عجلة الانتاج
وكانوا غلط لما طرمخوا
على مذبحة بورسعيد وهم فى مجلس الشعب
وكانوا غلط لما ماطلعوش
اى قانون لصالح البلد او الثورة لما كانوا فى مجلس الشعب
وكانوا غلط لما قالوا يا
مرسى يكسب يا نحرق البلد
وكانوا غلط لما طرمخوا
على تزوير المطابع الاميرية
وكانوا
غلط لما ضحكوا على الناس بإنهم هايطبقوا الشريعة وطبعا طلعوا ابعد مايكون عن تطبيق
الشريعة واخلاقهم ابعد مايكون عن ما امر به الاسلام
وكانوا
غلط لما طلعوا قوانين بمد تراخيص الكباريهات
وكانوا
غلط لما كانت خططهم لمواجهة ازمة الكهرباء هو ان العيلة تقعد فى حجرة واحدة
ويلبسوا ملابس قطنية
وكانوا غلط لما كدبوا
على الناس وقالوا ان مرسى مالوش دعوة بالاخوان وانه سابهم وطلع مابياخدش قرار من
غير مايرجعلهم (دا كلامه الحرفى)
وكانوا غلط لما مرسى خرج
الارهابيين من السجن بعفو رئاسى
وكانوا غلط لما مرسى طلع
الاعلان الدستورى
وكانوا غلط لما مرسى بعت
جواب ليبيريز قاله صديقى الوفى وانه بيتمنى لدولتة "الكيان الصهيونى"
العيش الرغد
وكانوا غلط لما اتفقوا
مع حماس على عدم ضرب الكيان الصهيونى لحماية وجود مرسى على الكرسى
وكانوا غلط لما حرضوا
وقتلوا الشباب "السلميين" عند الاتحادية
وكانوا غلط لما دخلوا
معسكرات الامن المركزى عشان يعذبوا المعتقلين ايام الاتحادية (اللى كان واحد من الضحايا
الشهيد محمد الجندى)
وكانوا غلط لما وافقوا
ان احمد مكى يخرج يقول ان محمد الجندى ماماتش نتيجة التعذيب لا نتيجة حادث سيارة!!
وكانوا غلط لما دافعوا
عن الشرطة لما قتلت جيكا وكريستى
وكانوا غلط لما اغتيل
الحسينى ابو ضيف على ايديهم وماحدش اتحاسب
وكانوا غلط لما طلقوا
على الشعب شوية الارهابيين اللى مرسى طلعهم عشان يهددوا الشعب
وكانوا غلط لما ضحكوا
علينا قبل الانتاخابات وقالولنا ان مشروع النهضة شارك فيه 1000 عالم وانه هاينقل
مصر نقلة حضارية وبعد الانتخابات طلع مشروع فكرى بس مالوش تطبيق "كلام خيرت
الشاطر"
وكانوا غلط لما ضحكوا
علينا بوعود ال 100 يوم وماتنفذش منهم ولا وعد
وكانوا غلط لما قالولنا
انهم مع الثورة وقينا بعد ما مرسى كسب ان وزارته ومحافظينة كلهم فلول ومافيهمش ولا
واحد محسوب على الثورة
وكانوا غلط لما سابوا
سيناء مرتع للارهابيين
وكانوا غلط لما طرمخوا
على قتل ال 16 جندى
وكانوا غلط لما مرسى طلع
قال انه بيطالب الجيش بالحفاظ على حياة المخطوفين "الجنود" والخاطفين
"الارهابيين" على حد سواء
وكانوا غلط لما مرسى قال
لزوجات الظباط المخطوفين من يناير 2011 يا تصبروا يا من حقكوا انكوا تشوفوا
حياتكوا انما هم مش راجعين
وكانوا غلط لما حاولوا
يمرروا قانون :إقليم" قناة السويس
وكانوا غلط لما مرسى وعد
السودان بفتج ملف رجوع حلايب وشلاتين للسودان
وكانوا غلط لما طلع
احكام نهائية على هشام قنديل بالسجن هو ووزيرين وطبعا ولا الهوا
وكانوا غلط لما مرسى قطع
العلاقات مع سوريا الغير مفيدة غير للامريكان
وكانوا غلط لما سابوا
عبد المقصود يدعى على الشعب اللى خرج فى 30يونيو وطارق الزمر وعبماجد اللى هددوا
اللى نازلين يوم 30يونيو وغيرهم
وكانوا غلط لما نفذوش
ولا وعد من اللى قالوهم
وكانوا غلط لما استهونوا
بحركة تمرد والغليان اللى كان فى الشارع
وكانوا غلط لما قفلوا
مدينة نصر وحولوا حياة السكان لجحيم
وكانوا غلط لما حولوا
منصة رابعة لمنصة للهجوم الجيش وتهديد الشعب
وكانوا غلط لما قسموا
الشعب لإسلاميين من جهة وعلمانيين ونصارى ومغيبين من جهة تانية
وغيرها وغيرها من
المصايب اللى عملوها
وكانوا غلط لما برروا كل
اللى فات وكل مصيبة حصلت كان ليها تبرير اوسخ من المصيبة نفسها
بس دلوقتى هم صح
بجد انت لو مالكش مصلحة
شخصية فى عودة الاخوان للحكم يبقى تسلم ايد اللى غسلك دماغك
Twitter: @Hatemzaki9
August 2, 2013
