لو لقيت خبر بيقول محاصرة مسجد فى الدنمارك من قبل متطرفين والقاء المولوتوف جوه المسجد
رد فعلك هايكون ايه؟
مش اقل من هاتطالب بطرد السفير الدنماركى وقطع العلاقات وحملة لمقاطعة المنتجات الدنماركية
طيب هو انت اتضايقت ليه؟
عشان هو بيت من بيوت ربنا اللى حرم الاعتداء عليها مش كده؟
طيب ولما تعرف ان حصل اعتداء على 25 كنيسة فى السنتين اللى فاتوا.. رد فعلك هايبقى ايه؟
طيب ولما تعرف ان المقر الباباوى اتهاجم بالمولوتوف والخرطوش بدون اى اعتبار انها جنازة حتى.. رد فعلك هايكون ايه؟؟
لو ماعملتش نفس رد الفعل اللى كنت هاتعمله لو كان مسجد هو اللى حصل فيه كده يبقى انت عندك حاجة من 2: يا انفصام شخصية يا عدم اتساق فى مواقفك
لو انفصام روح اتعالج وربنا يشفيك
انما لو مواقفك مش متسقة يبقى برضه محتاج للعلاج
انا عن نفسى هاحد نفس الاجراءات الى كنت هاخدها لو كان مسجد اللى اتهاجم
اولا: عدم الاعتراف بمرسى رئيسا لمصر والعمل على اسقاطه
ثانيا: العمل على طرد كل الوزارة برئيسها ومحاكمتهم
ثالثا: مقاطعة جميع منتجات الاخوان ومن ناصرهم حتى ولو بالسكوت
رابعأ: الدعوة لعصيان مدنى شامل لإسقاط الفاشية المتظاهرة بالدين دون السماح للفاشية العسكرية ان تحل محلها
والله الموفق والمستعان
Twitter: @Hatemzaki9
April 8 2013
ليست هناك تعليقات:
إرسال تعليق