CairoKee – Mat el Kalam (+ Lyrics)
كايروكى – مات الكلام (+ كلمات)
الشتا اللى فات ابتدى السباق وسط الديابه
الجعانه والكلاب
طريق إجبارى والرجوع ممنوع .. ومافيش مكان
للذل والخضوع
بعتوا القضية وهاقول حرية .. صوتى صوت الحق
يعنى الاغلبية
احسنلى اموت ولا انى اعيش معاكوا .. احسنلى
اقطع رجلى قبل ما تمشى على هواكوا
طز فى كلامكم .. طز فى ايامكم .. انا الكابوس
اللى فى وسط احلامكم
انا الحقيقة اللى مايعرفهاش امثالكم
ايوة انا
مات الكلام وانتهى .. ذوق عافية الحلم ابتدى
مات الكلام وانتهى .. ذوق عافية الحلم ابتدى
دايقين المر من زمان .. مافيش حقوق ولا فيه
انسان
صنعتوا الجهل وغيركوا بيستغله .. مافهمتوش
الدرس ولسه بتستمروا
عيشتونا حياة مش اّدمية .. وسط عقولكوا
القديمة المصدية
والاعلام فى الزيطة سرحان .. تطبيل ليل ونهار
شغال
إحنا التجارة وانتوا الشطارة .. شوفوا الفاصل
هاتفهموا العبارة
إحنا البداية وانتوا النهاية ..ويمين شمال
هانكمل الحكاية
مات الكلام وانتهى .. ذوق عافية الحلم ابتدى
مات الكلام وانتهى .. ذوق عافية الحلم ابتدى
عيون خبيثة .. عيون لئيمة .. بيقسمونا زى
الغنيمة
كدب كتير .. تبرير .. غيروا الموقف والتفسير
كل واحد لابس وش .. بيتاجر بينا وبيغش
الشعب بحاله بيعانى .. مش لاقى كلام يوصف بيه
ولا معانى
انا بلدى مكانها مش هنا .. يا ترجع تانى يا
إما اموت انا
مات الكلام وانتهى .. ذوق عافية الحلم ابتدى
مات الكلام وانتهى .. ذوق عافية الحلم ابتدى
Twitter:
@Hatemzaki9
June 8, 2013
ليست هناك تعليقات:
إرسال تعليق